Состојки:
За кората:
300 гр. мелени бисквити
100 гр. кокос
100 гр. растопен путер
100 мл сок од портокал или млеко
За кремот:
500 мл млеко
2 жолчки
3 лажици густин
5 лажици шеќер
рендана кора од 1 лимон
сок од половина лимон
1 ванилин шеќер
100 гр. кокос
100 гр. путер (собна температура)
За декорација:
шлаг или стлатка павлака
кокос или кора од лимон за посипување
Подготовка:
За кората, во голем сад, измешајте ги мелените бисквити, кокосот и растопениот путер. Додадете сок од портокал (или млеко) и мешајте додека не добиете мазна смеса што убаво се згуснува. Ставете ја смесата во калап со дијаметар од околу 24 см, обложен со хартија за печење или провидна фолија, и ставете ја во фрижидер додека го подготвувате кремот.
Во мало тенџере, изматете ги жолчките, шеќерот, густинот и неколку лажици млеко додека не добиете мазна смеса. Потоа додадете го остатокот од млекото, ванилиниот шеќер и ренданата кора од лимон. Гответе на тивок оган, мешајќи постојано, додека кремот не се згусне. Тргнете од шпорет, додадете сок од лимон и кокос, па оставете да се олади. Кога кремот ќе стане млак, додадете го путерот и мешајте додека не добиете убав, мазен фил.
Прелијте го кремот врз подготвената кора и измазнете.
Одозгора намачкајте шлаг или слатка павлака и наросете со кокос или кора од лимон. Оставете го колачот во фрижидер најмалку 4 часа, идеално преку ноќ.
Извор: kurir.mk
