Украинскиот претседател Володимир Зеленски денес изјави дека две лица се убиени во синоќешниот руски напад и дека Русија лансирала повеќе од 650 беспилотни летала и 50 ракети.
„Десетици лица се повредени во овој напад, вклучувајќи пет деца. За жал, две лица загинаа. Моето сочувство до нивните семејства и најблиските. Спасувачките операции продолжуваат“, напиша Зеленски на Икс.
Тој додаде дека во нападот се оштетени станбени згради во Запорожје, како и студентски дом.
Извор: tv21
