Дали се’ посериозните индиции за бизнис-поврзаност на градоначалниот на Центар, Горан Герасимовски, со фамилијата на Заеви и Венко Филипче излегуваат на виделина? Се погласните сомнежи ги потврди и Мирослав Лабудовиќ, кандидатот за градоначалник на општината, до кого допреле информациите за оваа градежно-тендерска бизнис асоцијација.
„На големо се зборува дека голем интерес за градба во Центар имаат струмичките бизнисмени, јас мислам дека ова е последното упориште на СДСМ за да продолжат со таа брутална градба. Глеаме по медиумите дека имаат и златни визи, дека градат и во Дубаи, не е чудо и Герасимовски да е дел од тој бизнис. Тоа ќе се дознае во иднина. Така и додека беше на власт бизнис семејството од Струмица не знаевме што бизниси тераа во Македонија, но откако ги сменивме излегоа после тоа работите на виделина“, посочи Лабудовиќ во „За или против“ со Љупчо Цветановски.
„ Така што има во последен период една, сега засега само шпекулација, која циркулира низ градот и која стигна до мене, ми кажуваат дека „среќа за Герасимовски што кога „бротчето“ поминувало крај јахтата во Грција (со Филипче и Заев на неа)“, кога сликале граѓаните, среќа што и тој кој бил на јахтата, бил внатре во кабината. Така што тоа е она што сега се зборува наголемо. А, каде има дим има и огин. Јас верувам дека постои некоја бизнис релација меѓу нив“ потенцира Лабудовиќ во Алфа.
Тој го обвини својот контркандидат со кого влегуваат во конечен дуел на 2.неомври дека од Општина центар направи рекодер во издавање градежни дозволи, што е лесно поради атрактивноста на Центар.
„Сите податоци велат дека Општина Центар е рекоредер во издавање на градежни дозволи. Но не знам кој ќе се всели во нив? Дали граѓаните гледаат на купување стан како на инвестиција? Многу станови поминавме во кампањата, премногу, и половина од нив се празни. Дури и повеќе од половина. Јас о мојот стан го гледам директно Лимак и можам да кажам дека само 5 или 6 станови светат навечер“, посочи кандидатот кој најави радикален прекин на насилната бетонизацијата на општината која „лице“ на Скопје и Македонија.
Извор: kurir.mk
