Психологот Марк Траверс објаснува два начина на кои смеата може да ја подобри секоја врска.
1. Ја зајакнува емоционалната блискост и чувството на поддршка
Во блиските односи, не се клучни големите гестови, туку малите, честопати незабележливи моменти што ги поврзуваат партнерите. „Еден од тие моменти е споделената смеа. Студија од 2015 година покажа дека паровите кои често се смееле заедно за време на разговорите се чувствувале уште поповрзано“, изјавува Траверс за Psychology Today.
Таквиот хумор не е само знак за добра врска, туку и клучен елемент од неа – покажува дека партнерите го доживуваат светот на сличен начин и чувствуваат блискост и разбирање еден кон друг. „Кога двајцата искрено реагираат со смеа на истиот поттик, тоа го зајакнува чувството на заедништво и доверба“, додава психологот.
2. Го зголемува задоволството и квалитетот на врската
Позитивните ефекти од заедничката смеа се протегаат подалеку од самата блискост. Кога смеењето е честа појава во врската, тоа ја обликува нејзината емоционална атмосфера и ја прави попријатна. „Ваквите моменти стануваат дел од споделените спомени кои имаат долгорочно влијание врз тоа како партнерите ја доживуваат својата врска – како извор на среќа или товар“, вели Траверс.
Истата студија покажа дека паровите кои се смееле заедно почесто ги оцениле своите односи како поквалитетни и позадоволни. „Ова покажува дека заедничкото смеење може да придонесе за среќа во врската, независно од другите фактори. Малите моменти на смеа ги потсетуваат партнерите дека радоста е сè уште присутна и дека нивната поврзаност се одразува дури и во секојдневните, обични моменти“, заклучува психологот.
Извор: vecer.mk
