Манчестер Јунајтед ја забележа својата трета последователна победа откако дома го совлада Брајтон со 4-2. Резултатот привремено го искачи тимот на четвртото место на табелата, а играта на тимот им дава оптимизам на нивните навивачи.
По Сандерленд и Ливерпул, и Брајтон падна на „Театарот на соништата“.
„Црвените ѓаволи“ доминираа во поголемиот дел од натпреварот. Тие поведоа во 24-тата минута по првиот гол на Матеус Куња за клубот. Десет минути подоцна, Касемиро постигна гол со голема среќа. Брајан Мбеумо го постигна третиот гол во 61-вата минута. Поранешниот играч на Манчестер Јунајтед, Дени Велбек, постигна еден гол по прекрасниот слободен удар во 74-тата минута. Резервниот играч Костулас ги направи последните минути драматични откако постигна гол во продолжението, но во 97-мата минута Мбеумо го постигна својот втор гол на натпреварот.
Извор: vecer.mk
