Кандидатот за градоначалник на Град Скопје, Орце Ѓорѓиевски, најави големи инвестиции во културната инфраструктура на главниот град, со цел да се поврзат историското наследство и современите вредности во интерес на сите граѓани.
„Време е културата да ги соедини минатото и иднината во интерес на сите луѓе,“ порача Ѓорѓиевски, додавајќи дека нови културни сцени и содржини ќе се развиваат на повеќе локации низ Скопје.
Според најавата, археолошкиот локалитет „Скупи“ ќе добие нова културна сцена, а Скопското Кале ќе биде збогатено со дополнителни културни програми и простори за јавни настани. Дополнително, просторот околу Аквадуктот ќе биде облагороден и претворен во зона со културни содржини достапни за сите граѓани.
„Доаѓа време кога сите ќе живееме подобро. Го имате мојот збор. Најдоброто допрва доаѓа!“, порача Ѓорѓиевски во своето обраќање.
