Во анализата се опфатени 23 држави, јавија српски медиуми.
Шесте земји од Западен Балкан имаат просечен раст на бруто домашниот производ (БДП) од 2,5 проценти во 2025 година и 3,4 проценти во 2026 година.
Сепак, прогнозата за следните две години е малку пооптимистичка – српската економија би можела да расте со стапка од 3,5 проценти во 2026 година, а четири проценти во 2027 година.
Од општа перспектива, економскиот модел на источните земји од ЕУ претрпува фундаментална структурна промена.
„Иако приватната потрошувачка досега беше главен двигател на растот во земјите-членки на ЕУ во Централна и Источна Европа, очекуваме инвестициите од приватните компании и јавниот сектор да добијат на значење, со оглед на забавувањето на растот на реалните плати“, рече заменик-директорот на Виенскиот институт и главен автор на есенската прогноза, Ричард Гривсон.
Наглото, како што рече тој, зголемување на трошоците за одбрана меѓу земјите-членки на НАТО во регионот, исто така, го поддржува економскиот раст.
Според Виенскиот институт, се очекува овие земји да имаат дополнителен просечен годишен ефект на раст на БДП од 0,2 до 0,3 процентни поени во наредните години, при што земји како Полска и балтичките земји потенцијално ќе имаат уште поголема корист од зголемените трошоци за одбрана.
„Источноевропејците ќе имаат економска корист од вооружувањето на Европа, бидејќи традиционално имаат силна одбранбена индустрија. Ова би можело да им помогне да ја модернизираат својата индустриска база и успешно да се движат низ трансформацијата кон модел на раст базиран на иновации“, рече Гривсон.
Виенскиот институт предвидува просечен раст од 2,2 проценти за земјите-членки на ЕУ во регионот во 2025 година, а во 2026 година растот во регионот треба да се забрза на 2,6 проценти.
Земјите од Вишеградската група – Полска, Чешка, Словачка и Унгарија, како и Словенија, ќе имаат просечен раст од 2,5 проценти во 2025 година и 2,9 проценти во 2026 година. Полска останува лидер меѓу источните членки на ЕУ, со економски раст од 3,5 проценти и во 2025 и во 2026 година.
Хрватска следи со раст од околу три проценти оваа и следната година, додека перспективите за Романија значително се влошија, растот во таа земја ќе биде 0,8 проценти оваа година и 1,2 проценти во 2026 година.
Извор: vecer.mk
