Ла Лига го потврди откажувањето на натпреварот Виљареал – Барселона кој требаше да се одигра во САД. Во соопштението објавено, Ла Лига вели дека по разговорите со организаторот на официјалниот натпревар во Мајами, донесена е одлука за откажување на настанот поради неизвесноста што се појави во Шпанија во последните неколку недели.
„Ла Лига длабоко жали што овој проект, кој претставуваше историска и невидена можност за меѓународна експанзија на шпанскиот фудбал, нема да се реализира. Официјален натпревар надвор од нашата земја ќе беше одлучувачки чекор во глобалниот раст на натпреварувањето, зајакнувајќи го меѓународното присуство на клубовите, позиционирањето на играчите и видливоста на шпанскиот фудбал на толку стратешки важен пазар како што се Соединетите Американски Држави“, се вели во соопштението.
Извор: vecer.mk
