Бугарскиот министер за надворешни работи Георги Георгиев изјави дека Бугарија е подготвена, доколку е потребно, да обезбеди воздушен коридор за авионот на рускиот претседател Владимир Путин на пат кон Будимпешта на средба со американскиот претседател Доналд Трамп.
„Кога се прават напори за постигнување мир, логично е да се обезбедат сите потребни услови за постигнување на таа цел“, рече Георгиев, одговарајќи на прашања од Бугарското национално радио.
На прашањето дали Бугарија ќе обезбеди воздушен коридор за авионот на Путин, тој праша „како може да се одржи средбата ако еден од нејзините учесници не може да присуствува на неа“.
На 16 октомври, по телефонскиот разговор со Путин, Трамп објави дека се согласиле наскоро да се сретнат во Будимпешта, изјава потврдена од Москва.
Извор: tv21
