И познати доктори му кажуваат на Филипче дека веќе не е лидер на опозицијата

По објавувањето на резултатите од страна на ДИК за локалните избори вчера, каде СДСМ доживеа тежок пораз, се огласија и лица познати на јавноста, меѓу кои и Ненад Лазаров, кој доаѓа од медицинската фела.

„Ти веќе не си лидер на опозиција и официјално а у партија шо си праите е ваша работа. Она што ќе остане запаметено од народ е дека не се повлече од политика после катастрофата во која живи ти изгореа 14 души во т.н. болница“, се вели во фејсбук статусот на Ненад Лазаров.

Ова е само една од многуте реакции што го отсликуваат чувството на огорченост и морална пресметка со раководството на СДСМ.

Падот на СДСМ е очигледен и непобитен факт и на терен и на хартија.

Од друга страна, владејачката ВМРО-ДПМНЕ забележа 50% подобар резултат од оној во 2021 година. Освен што се прошири локалната власт на партијата, гласовите од терен јасно покажуваат амбиција за стабилна и долгорочна владејачка позиција, и на локално и на централно ниво.