Кандидатот за градоначалник на Град Скопје од ВМРО-ДПМНЕ, Орце Ѓорѓиевски кој влегува во вториот круг од трката за прв човек на Градот, денеска им се заблагодари на сите граѓани за секоја подадена рака и за огромната доверба во првиот круг од локалните избори.
Од денес нема носење машна, туку ќе ги засукаме ракавите и почнуваме да го решаваме хаосот во Град Скопје. Јас сум фокусиран на народот, што повеќе раце да стиснам во вториот круг, што повеќе граѓани да сретнам, на што повеќе граѓани да им ја објаснам мојата визија за Скопје во наредните четири години, изјави Ѓорѓиевски.
Извор: kurir.mk
