Искусниот шпански тренер Рафа Бенитез (65), освојувач на Лигата на шампионите со Ливерпул во 2005 година, е новиот тренер на грчки Панатинаикос, потврдија локалните медиуми.
Бенитез со денови беше во преговори со Атињаните, а во недела навечер пристигна потврда за завршена зделка, па сега се што се чека е официјално соопштение од клубот.
Бенитез ќе го замени Португалецот Руи Виторија на клупата на атинските „зелени“, кој беше отпуштен поради слабиот почеток на сезоната.
Бенитез се согласил на две и полгодишен договор, според кој тој и неговиот тренерски штаб ќе заработуваат пет милиони евра по сезона.
Извор: vecer.mk
