Зошто англичаните бегаат од Англија. Се почесто, и се помлади. Некогаш пензионерите заминуваа во ефтини куќи во Бугарија или Кипар, тие со малку поголеми пензии во Португалија или Малта… Но, времињата се менуваат па сега и помладите заминуваат затоа што “состојбата во Англија, во Лондон, не е како што била“.
Приказната на фудвалерот Шелви е еден од нива, чија кариера сатасала високо, решил да замине од Лондон, од Англија. Веќе ни парите не му значат ништо, битно е да замине…
Снимката од неговото промашување на пеналот има повеќе од милион прегледи на социјалните мрежи, но Џонџо Шелви не е загрижен. Капитенот на „Арабиските соколи“ проценува дека само 75 гледачи го гледале натпреварот на тимот во кој сега игра тој, а клубеот е во Втората лига на Обединетите Арапски Емирати претходно овој месец, објавува Би-Би-Си.
Тоа е далеку од толпите на кои поранешниот англиски репрезентативец беше навикнат во текот на неговите денови поминати во Њукасл Јунајтед, Ливерпул, Свонси Сити и други врвни англиски клубови.
– Не ме интересира. Гледам коментари како: „Отиде таму за пари“, и се прашувам какви пари? Нема пари во Втората лига на Емирати. Просечната плата на еден фудбалер тука е околу 2300 евра месечно. Во споредба со она што го заработував во текот на целата моја кариера, тоа не е ништо. „Мојот брат заработува повеќе работејќи во хотел во Лондон, па затоа никогаш не стануваше збор за парите“, рече Шелви.
Тој објасни зошто игра во третата лига на фудбалот на ОАЕ, признавајќи дека „буквално ништо не направил“ два месеци. По неуспешниот обид во Хал Сити како слободен агент, тој претрпе повреда на тетивата што дополнително го искомплицира неговото барање клуб.
Потоа Хари Агомбар, тренерот на Арапските соколи и негов пријател од детството, го повика, поканувајќи го да дојде во Дубаи и да помогне во „изградбата на клубот“. Иако неговото семејство остана во Њукасл, таткото на три деца одлучи да ја искористи можноста за нов почеток.
– Јас го направив моето. Среќен сум и задоволен. Сега сум во фаза кога само сакам да уживам во фудбалот. Станува збор за будење, правење на она што го сакам и поминување време со моето семејство. Искрено, не сакам моите деца повеќе да растат во Англија.
Имавме среќа што живеевме во убав дел од земјата, но од каде што сум, не мислам дека повеќе може да има убави работи. Повеќе не би носел часовник во Лондон. Не би… дури се мислам и кога треба да го извадам мобилниот телефон од џеб, ако мене ме прашувате – рече Шелви.
Тој додава дека не е премногу упатен во политиката, но „гледа што се случува“.
– Луѓе се апсат за објави на Твитер, знамиња насекаде, „враќање на земјата на народот“… Нема да навлегувам во тоа бидејќи не сум доволно паметен да коментирам, а би се довел и себеси во неволја, но едноставно чувствувам дека Обединетото Кралство повеќе не е она што беше пред 10 или 15 години – вели Шелви.
Североисточниот дел на Англија е единственото место во областа каде што 33-годишникот би сакал да живее.
– Често се дискутира дали Њукасл може да привлече големи играчи како клубови од Манчестер или Лондон, но додека не стигнете таму, не разбирате што тоа место му прави на човекот. Имате што да правите, имате каде да излезете. Ако некој од играчите ме послуша, нема сомнение, треба да оди таму. Нема да ја најдете љубовта кон клубот што ја чувствував во Њукасл, начинот на кој ве прифаќаат и поддржуваат – тврди Шелви.
Извор: vecer.mk
