Бројот на мигранти кои се водат како исчезнати во бродолом во водите под јурисдикција на зоната за пребарување и спасување на Малта се искачи на најмалку 20, а најмалку едно лице е загинато.
Досега се спасени 11 лица, а операцијата за спасување сè уште е во тек, објави италијанската новинска агенција Анса.
Операцијата ја координира Центарот за координација на спасување на Малта (RCC), откако бродот беше забележан преку ноќ, околу 50 наутички милји југоисточно од италијанскиот остров Лампедуза.
Досега се спасени 11 лица, додека телото на еден мигрант е пронајдено, а според преживеаните, околу дваесет лица сè уште се водат како исчезнати.
Операцијата започна кога извидувачки авион на италијанската крајбрежна стража „Манта 10-03“, вклучен во редовни патроли, го забележал превртениот брод и веднаш спуштил чамец за спасување.
Во операцијата учествуваат италијански единици од островот Лампедуза, малтешки патролен авион, товарен брод кој бил пренасочен кон зоната на несреќата и авион од Европската агенција за гранична и крајбрежна стража (Фронтекс).
Товарниот брод првично спасил четири мигранти, кои потоа биле префрлени на патролен брод на италијанската крајбрежна стража.
Патролните бродови на италијанската и малтешката крајбрежна стража, исто така, наскоро треба да пристигнат во областа на несреќата, со дополнителна поддршка од авиони на италијанската крајбрежна стража.
Операцијата за пребарување и спасување продолжува под координација на малтешките власти.
Извор: tv21
