Бразилецот Рафиња во изминатите две сезони, откако на клупата на Барселона е Ханси Флик, просто блеска во дресот на каталонската гордост. Тој е еден од клучните „шрафови“ во машината на германскиот стратег и секако дека без него оваа Барса нема да биде онаа вистинската Барса.
Инаку колку за потсетување, Бразилецот во летото 2024 имаше баснословна понуда од Саудиска Арабија:
“Да, не кријам дека сакав да си одам од Барселона. Таа понуда и тоа како беше голема, ќе ги решив сите животни прашања прашања на сите мои блиски од семејството. Не кријам дека бев блиску до заминување, но тогаш ми се јави Ханси Флик. По тој телефонски разговор работите се променија. Следуваше потоа и разговор во четири очи и јас одлучив да останам. Не кријам дека сега сум среќен што така заврши целата таа моја недоумица“ посочи Рафиња.
Извор: vecer.mk
