Репрезентацијата на Англија е на пат да обезбеди нов пласман на Мундијалите овојпат на оној во САД, Мексико и Канада следната година.
Селекторот Томас Тухел одлично се снајде на позицијата, јавноста на Островот е презадолна од него.
Тој пак, во чисто германски стил изјави дека на ниту една од големите звезди на тимот, како Џуд Белингем, Џек Грилиш и слични кои што пак поради различни причини пропуштија некои од последните собири, не му е загарантирано местото во тимот. Истото мора да се заслужи. Ова Тухел го изјави од проста причина што замените за гореспоменатите, кои што беа повикани дополнително, одлично си ја завршија задачата.
Англија ја победи Андора на Вембли ја „уништи“ Србија во Белград со 0:5, а само пред неколку дена го победи Велс на пријателски натпревар. Морган Роџерс и Елиот Андерсон на тие мечеви одлично се покажаа. Самиот Тухел призна дека разговарал по телефон со Белингам, кој сакал да биде дел од тимот, но сепак не бил повикан и останал во Мадрид.
„Во моментов станува збор само за играчите кои се на камп со нас. Тоа е нашиот фокус. Вратата е отворена за секој што може да придонесе, конкуренцијата за позициите е отворена“, изјави селекторот на Англија.
Извор: vecer.mk
