Србија беше поразена од Албанија со 1:0 во квалификацискиот натпревар од Групата К за Светското првенство во 2026 година. Поразот ги намали шансите на Србија за пласман на Светското првенство, а селекторот Драган Стојковиќ очигледно го имаше последниот меч на клупата на репрезентацијата.
Веднаш по натпреварот на „Дубочица“, Пикси разговарал со челниците на Фудбалскиот сојуз на Србија, и им ја понудил својата оставка. На прес-конференцијата објавил дека нема да патува во Андора со тимот за следниот квалификациски натпревар, со што стави крај на својот престој на селекторското место.
Како што дознава „Арена Спорт“, поранешниот тренер на Реал Овиедо, Вељко Пауновиќ ќе го наследи Стојковиќ на функцијата селектор на фудбалската репрезентација на Србија!
Извор: vecer.mk
