Манчестер Јунајтед размислува да се раздели со својата најголема ѕвезда во последните сезони – Бруно Фернандеш. На „Олд Трафорд“ сфаќаат дека пропуштиле златна можност да го продадат својот капитен за рекордна сума, а сега клупски извори тврдат дека трансферот следната година е веќе сосема можен.
За време на летниот преоден рок, „црвените ѓаволи“ можеа да добијат до 100 милиони фунти доколку Португалецот ја прифатеше понудата од Саудиска Арабија. Сепак, тој претпочиташе да остане во Јунајтед со амбиција конечно да го води тимот до значаен успех. Од своја страна, раководството не вршеше притисок врз него да ја прифати понудата.
Дури и тогаш беше јасно дека таква колосална понуда веројатно нема да се појави повторно, иако не е исклучен нов интерес од саудиските клубови. Во последната недела се појавија нови шпекулации за претстојна понуда од Саудиска Арабија, но се верува дека Фернандеш сè уште не размислува за таков трансфер.
Договорот на Фернандес на „Олд Трафорд“ е до 2027 година, а клубот има опција да го продолжи за уште една година. Сепак, не е јасно што ќе се случи по завршувањето на оваа сезона. Според изворите, самиот играч би бил поотворен за заминување доколку дестинацијата би бил друг водечки европски клуб. Сепак, шансата за трансфер вреден 100 милиони фунти веќе е пропуштена. Доколку Бруно замине во иднина, Јунајтед можеби нема да добие ниту половина од таа сума.
Извор: vecer.mk
