Пред големиот број граѓани на народниот митинг во Валандово се обрати лидерот на ВМРО-ДПМНЕ и премиер, Христијан Мицкоски.
Тој посочи дека политичките противници, СДСМ и ДУИ, сè уште не извлекле поука од катастрофата што им се случи на минатите парламентарни и претседателски избори.
-На изборите имаме две опции. Ако некој мисли дека има трета или четврта опција, се лаже. Едната опција е коалиција која обединува три политички субјекти собрани на едно место и водени од две клучни цели. Првата цел е жедта за власт по било која цена, а втората е патолошката омраза која ја имаат кон ВМРО-ДПМН. Тоа е коалицијата помеѓу СДСМ, ДУИ и Левица. Таму се удружиле Венко, Али и Симче затоа што жедни за власт не бираат средба како да дојдат до власт, порача Мицкоски.
Втората опција е коалицијата која ја предводи ВМРО-ДПМНЕ.
-Оваа опција изминатите 15 месеци, не велам дека е идеална. Идеални работи не постојат. Ние никогаш не ветувавме дека ќе испорачаме чуда бидејќи чуда се невозможни, а ние не сме чудотворци. Ние ветувавме дека многу ќе работиме, пред се чесно, ќе биде тешко, но не и срамно и ќе решаваме колку можеме повеќе проблеми кои се наталожиле со децении во минатото. И тоа го правевме, посочи Мицкоски.
Целиот негов говор слушнете го во видеото
Извор: kurir.mk
