Пецаков: Општина Охрид докажа дека промената е можна

Кирил Пецаков, градончалникот на Охрид и кандидат на ВМРО-ДПМНЕ и Коалицијата за втор мандат на престојните Локални избори, вечерва пред граѓани на Охрид ги посочи промените во работењето на општинската администрација за време на неговиот мандат што истекува.

Тој пред учесниците на трибина огранизирана од општинскиот огранок на коалициската партија Подем зборуваше на темата финансии, отчетност и инфраструктурен развој.

Притоа Пецаков истакна дека Општина Охрид е доказ дека промената е можна, со тоа што како што рече, од презадолжена и блокирана општина сега е пример за одговорно финансиско работење.

– Транспарентноста и отчетност се наш врвен приоритет. Градиме доверба со граѓаните преку навремено и точно информирање. Инфраструктурниот развој е рамномерен и интензивен – инвестираме во секое населено место. Охрид не запира повеќе, порача Пецаков.