Нобеловата награда за физика им припадна на тројца квантни научници од САД

October 7, 2025
1 min read

Нобеловата награда за физика оваа година ја добија Џон Кларк, Мишел Х. Деворе и Џон М. Мартинис „за откривање на макроскопско квантно механичко тунелирање и квантизација на енергијата во електрично коло“, соопшти денеска Кралската шведска академија на науките.

Тројцата научници се поврзани со Универзитетот во Калифорнија (UC), а Деворе има и ангажман на Универзитетот Јеил. Деворе и Мартинис работат во кампусот Санта Барбара на Универзитетот во Калифорнија, северозападно од Лос Анџелес, додека Кларк е дел од Универзитетот во Беркли, во близина на Сан Франциско.

„Квантната механика ѝ овозможува на честичка да помине директно низ пречка, преку процес што се нарекува тунелирање,“ се наведува во соопштението на Академијата при објавувањето на наградата во вторникот.

Во соопштението се објаснува дека едно од клучните прашања во физиката е – колку голем може да биде системот кој сè уште покажува квантни механички ефекти.

Оваа година, добитниците спровеле експерименти со електрично коло во кое „ги демонстрирале и квантното механичко тунелирање и квантизираните енергетски нивоа во систем доволно голем за да може да се држи во рака“.

Кога се вклучени голем број честички, ефектите на квантната механика обично стануваат занемарливи. Но, експериментите на овие физичари покажале дека „квантно-механичките својства можат да се направат видливи и на макроскопско ниво“.

– Прекрасно е што славиме како квантната механика, стара веќе еден век, и понатаму нè изненадува со нови откритија. Таа е и исклучително корисна, бидејќи ја претставува основата на целата дигитална технологија, изјави Оле Ериксон, претседател на Нобеловиот комитет за физика. 

Извор: vecer.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Албанската полиција уапси три лица поврзани со убиството на судијата Калаја, потфрлило обезбедувањето во судот

Следно

Дино Мерлин се прости од Халид Бешлиќ- цел регион плаче: Му пеев тивко, нашата песна

Latest from Blog

МНОГУ Е УБАВО Е ДА СИ АЛБАНСКИ ЗЕТ, А НЕ ГЛАВА ВО ФАМИЛИЈА – Вереникот на Дуа Липа е главен кандидат за улогата на Џејмс Бонд

Иако имиња како Арон Тејлор-Џонсон, Тео Џејмс и Џејмс Нортон се споменуваат со месеци, еден актер неочекувано се искачи на врвот на топ листите откако Даниел Крег го остави пиштолот во 2021

Британската авијација предупредува на можни прекини поради проблем со софтверот на „Ербас“

Британската служба за цивилно воздухопловство (CAA) денес објави дека се очекуваат можни прекини во работењето на авиокомпаниите и летовите во Велика Британија поради голема промена на софтверот на значителен број авиони Airbus

Песков: Путин ќе го прими Виткоф следната недела, Украина е во длабока криза

Рускиот претседател Владимир Путин ќе го прими специјалниот претставник на американскиот претседател Доналд Трамп, Стив Виткоф, во првата половина од следната недела, објави денес портпаролот на Кремљ, Дмитриј Песков, додавајќи дека Украина
Go toTop