Нобеловата награда за физика денес им беше доделена на научниците од Универзитетот во Калифорнија, Џон Кларк, Мајкл Деворет и Џон Мартинис, соопшти Кралската шведска академија на науките.
Наградата, доделена 118 пати од 1901 година, ја освоиле 226 лица, објави денес Асошиејтед Прес (АП). Минатогодишните добитници беа пионерите на вештачката интелигенција Џон Хопфилд и Џефри Хинтон.
Во понеделник, Нобеловата награда за медицина им беше доделена на Мери Е. Бранко, Фред Рамсдел и д-р Шимон Сакагучи за откритијата што објаснуваат како имунолошкиот систем ги разликува штетните микроорганизми од сопствените клетки.
„Нивните откритија поставија темели за ново поле на истражување и го поттикнаа развојот на нови третмани, вклучувајќи рак и автоимуни болести“, се вели во соопштението.
Доделувањето на Нобеловите награди ќе продолжи во среда со наградата за хемија, по што ќе следи наградата за литература во четврток, а наградата за мир ќе биде објавена во петок.
Извор: tv21
