И покрај тоа што потрошија над 200 милиони евра минатото лето, тие повторно играат многу лошо, а почетокот на сезоната беше ужасен за сите во Манчестер Јунајтед.
Тие веќе загубија три од првите шест натпревари во лигата, а менаџерот Рубен Аморим е под зголемен притисок да ги сврти работите ако сака да остане менаџер на клубот.
Додека неговата иднина е доведена во прашање, челниците на Манчестер Јунајтед не губат време и инвестираат во иднината на клубот.
Сè е потврдено од специјалистот за трансфери Фабрицио Романо.
„Манчестер Јунајтед го заврши потпишувањето на 17-годишниот Колумбиец Кристијан Ороско. Трансферот е вреден 1 милион евра и тој доаѓа од Форталеза, а од следното лето ќе биде дел од тимот од Олд Трафорд“, напиша Романо.
Секако, трансферот е договорен за следното лето бидејќи играчот тогаш ќе има 18 години и ќе може да се пресели во Англија.
Ороско е дефанзивен играч од средниот ред кој моментално игра за Форталеза во Колумбија, откако се приклучи на тимот претходно оваа година од Роха. Тој е капитен на колумбиската репрезентација до 17 години, со девет настапи за тимот.
Манчестер Јунајтед има големи очекувања од него, секако за годините што доаѓаат.
Извор: vecer.mk
