Претседателката на Европскиот парламент (ЕП), Роберта Мецола, денес ѝ честиташе на Маја Санду за убедливата победа на претседателските избори во Молдавија, нагласувајќи дека граѓаните јасно го избраа европскиот пат на својата земја и рече дека ЕП ја поддржува европската интеграција на Молдавија и Украина, како и дека проширувањето ја прави ЕУ побезбедна и посилна.
За време на нејзиното пристигнување на Самитот на Европската политичка заедница (ЕПЗ), Мецола нагласи дека Европскиот парламент сака преговорите за членство на Молдавија и Украина во ЕУ да започнат „што е можно поскоро“ и да бидат завршени до крајот на годината.
„Проширувањето е добитна комбинација за Европската Унија. Тоа не е добротворност, туку процес што нè прави побезбедни и стратешки посилни“, рече Мецола.
Извор: tv21
