Кандидатката за градоначалничка на Општина Демир Капија од ВМРО-ДПМНЕ, Наталија Димитриева на денешниот митинг истакна дека ги очекува многу работа и проекти, решавање на многу проблеми од минатото
-Општина Демир Капија за разлика од останатите, целосно уназадува бидејќи на водат луѓе кои гледаат само личен интерес. Граѓаните очекуваат проекти, наместо празни ветувања, очекуваат дела наместо повторно да бидат излажани. Ќе се борам за Општина Демир Капија да биде модерна, организирана, атрактивна за живеење и работа. Мојата визија за Демир Капија е град во кој секој заслужува внимание, почит и еднаква шанса, потецираше Димитриева.
Таа нагласи дека заедно можеме да изградиме средина каде младите ќе остануваат, а возрасните ќе имаат мирен и достоинствне живот.
Како дел од проектите кои ги планира за општина се паркови и зелени површини, чистење на диви депонии, урбанистички планови на селата, секундарна гасификација на Демир Капија, домови и за нега на стари лица, инфраструктура во руралните средина, покривање на градски пазар…
Главен фокус во нејзината работа, како што посочи, ќе бидат образованието и младите.
Извор: kurir.mk
