Во ОСМУ „Д-Р Јован Калаузи“ е завршена реконструкцијата на спортската сала, која сега располага со професионален паркет, санирана кровна конструкција, нова електрична инсталација и рефлектори. Трибините се глетувани и молерисани со фасадна боја, внатрешната ограда е бојадисана, а поставени се дополнителни две влезни врати за поголема функционалност.
Во рамки на училиштето, реновирана е и наставничката канцеларија со целосна замена на дотрајниот инвентар.
Дополнително, е направен значаен исчекор во енергетската ефикасност на објектот, со поставување на фотоволтаици со капацитет до 40 киловати електрична енергија, преку 72 модулни единици.
Училиштето, во соработка со локалната самоуправа и Министерството за образование, продолжува со нови инвестиции со цел подобрување на условите за наставата и обезбедување квалитетен образовен процес за учениците.
