Генерацијата Z, која ги вклучува луѓето родени помеѓу 1997 и 2012 година, претпочита нивните партнери да ги гледаат додека флертуваат, отколку да ги допираат, според една нова студија.
Всушност, 59 проценти од 20-годишниците веруваат дека контактот со очи е поинтимен од физичкиот контакт, според студијата на EZContacts.
Анкетата опфатила 1.000 возрасни лица, вклучувајќи самци и парови, за да се утврди влијанието на контактот со очи и носењето очила врз романтичните врски.
„Контактот со очи може да биде знак на самодоверба или флерт, но е исто така длабоко личен. Може да започне врска побрзо од разговорот и да создаде чувство на блискост на првата средба“, велат авторите на студијата.
Дури 69 проценти од девојките претпочитаат контакт со очи пред допир, а 55 проценти од момчињата во оваа демографска група го претпочитаат истото. Употребата на апликации за запознавање станува се помалку популарна.
„Средбата лично и гледањето во очи може да биде начин луѓето да изградат доверба во врската, пробивајќи ја „онлајн бучавата од неискреност““, рекоа тие.
Дополнително, 58 проценти од испитаниците рекле дека носењето очила ја прави личноста попривлечна.
Извор: kurir.mk
