Таму, промовирајќи ја својата автобиографија „Книгата за Шин“ и документарецот на Нетфликс „Чарли Шин“, тој отворено зборуваше за најтемните моменти од своето минато.
„Имав среќа што останав жив“
Тој откри дека во периодот на неговата најтешка зависност, дури и останал без залихи на дрога бидејќи мексиканскиот картел престанал да го снабдува.
– Никогаш не виделе некој да зема такви количини. Мислеа дека продавам од страна, па едноставно ме исклучија – рече актерот, изненадувајќи ја дури и новинарката Амелија Адамс.
За време на интервјуто, тој се осврна и на гласините дека пушел седум грама крек кокаин за една вечер.
– Не го измеривме точно, но да, толку беше подготвено. Во еден момент реков: „Ќе ни треба поголема луле“. Денес ми е смешно, но во исто време знам дека имав среќа што останав жив – призна Шин.
„Не знаев како да се справам со проблемите“
Да се потсетиме дека Шин беше ѕвезда на хит серијата „Два и пол мажи“ со години, за која заработуваше дури 1,8 милиони долари по епизода.
Но, по низа јавни испади и конфликти со продуцентот Чак Лоре, беше исфрлен од серијата во 2011 година. Денес признава дека се кае за тоа.
– Тоа беше период на премногу лични проблеми – развод по развод, борба со зависност, а во исто време се обидував да бидам присутен татко на моите деца. Не знаев како да се справам со сè – рече актерот, кој има четири деца.
Покрај зависноста, актерот отворено зборуваше за приватните врски, откривајќи дека во минатото имал интимни врски со мажи. Тој вели дека јавното признание било еден вид ослободување за него, но и начин да се заштити од уцени.
– Со години ме уценуваа со огромни суми. Кога самиот излегов во јавност, им ја одзедов моќта над мене – објасни тој.
Денес, по осум години апстиненција, актерот тврди дека живее помирен живот и дека негов главен приоритет е семејството.
– Ова е најискрената верзија од мене што некогаш сум ја покажал – заклучи тој, зборувајќи за автобиографијата и документарецот што излезе неодамна.
Извор: vecer.mk
