Кустос на музеј во Бангкок го напуштил
Тајланд и заминал за
Лондон, плашејќи се од апсење, откако Кина ја осуди неговата музејска изложба и
изложба како премногу провокативни, објави денес „Њујорк тајмс“.
Претставници
на музејот изјавија дека кинеските и тајландските власти вршеле притисок за
отстранување на делата на уметници од Тибет, Хонг Конг и кинеската покраина Синџијанг
чии дела биле критички настроени кон Кина, објави весникот.
На
инсталацијата на изложбата „Соѕвездие на соучество“ во Центарот за уметност и
култура во Бангкок, која беше отворена во јули, беа прикажани знамињата на
Тибет и на ујгурскиот народ, кои подоцна беа отстранети.
Кустосот на изложбата, која ги критикуваше
владите на Кина, Мјанмар и некои други земји, очекувал реакција, но не толку
брза за да го принуди да ја напушти земјата, објавува американскиот весник.
Кустосот, уметник од Мјанмар кој се
претставува како Саи, рекол дека два дена по отворањето на изложбата,
директорите на музејот го информирале преку дигитални пораки дека тајландската
полиција е во зградата на музејот и дека го бараат.
Плашејќи се
дека може да биде уапсен и депортиран во Мјанмар поради неговата работа на
изложбата, тој рече дека брзо отишол на аеродромот во Бангкок и одлетал за
Лондон, објави „Њујорк тајмс“.
Саи избегал
од Мјанмар по воениот удар во 2021 година, и ја замислил изложбата за да
прикаже дела од уметници од таа земја и други земји кои останале во пријателски
односи со воената хунта.
Извор: vecer.mk
