Битола – Чкембари годинава слават 40 години од своето формирање, посветени на ФК Пелистер и битолската спортска традиција. Четири децении страст, љубов и верност што не згаснува, ја прават оваа навивачка група препознатлива и симболична за градот.
„Секогаш и секаде за ПЕЛИСТЕР! 40 години љубов, верност и гордост! 40 години страст што не згаснува! 40 години Чкембари – срцето на Битола!“, порачаа членовите на групата.
Градоначалникот на Општина Битола, Тони Коњановски, честитајќи им го јубилејот, нагласи дека Чкембари се вистински амбасадори на спортската култура и битолската гордост и дека општината ќе продолжи да ги поддржува нивните активности.
Чкембари, кои низ годините станаа симбол на битолската навивачка сцена, и понатаму го инспирираат младото поколение да ја продолжи традицијата на верност кон Пелистер.
