Денеска, во рамки на работна посета на Пробиштип, заменик-министерката за животна средина Ане Лашкоска оствари средба со претставници на трите најголеми индустриски капацитети во општината.
Кандидатот за градоначалник Тони Тоневски истакна дека на средбата се разговарало за мерките и плановите на Министерството за животна средина и просторно планирање, законските регулативи, предизвиците со кои се соочуваат компаниите, како и можностите за подобрување на работењето, со посебен акцент на заштитата на животната средина.
„Ова е важен чекор кон создавање услови за одржлив развој на индустријата во Пробиштип, при што заштитата на животната средина останува приоритет“, изјави Тоневски.
