Министерката за енергетика, рударство и минерални суровини, Сања Божиновска, информира дека започна со работа Единицата за техничка поддршка за праведна енергетска транзиција (ЕТП).
„ЕТП е мостот што ќе ги поврзе институциите, компаниите, синдикатите и меѓународните партнери за побрза и поефикасна транзиција. Со јасен систем за координација, следење и известување, како и техничка поддршка на дијалогот со сите засегнати страни, правиме клучен чекор кон поефикасна, транспарентна и навистина праведна енергетска транзиција,“ изјави Божиновска.
Таа нагласи дека оваа нова структура ќе има задача да обезбеди интегриран пристап во процесот на енергетската трансформација, кој ќе биде насочен кон граѓаните и економијата, а во согласност со меѓународните стандарди и европската агенда за зелена иднина.
