Апликацијата „Фејсбук дејтинг“ (Facebook Dating) добива две нови алатки со вештачка интелигенција коишто ќе треба да им помогнат на корисниците во потрагата на нови познанства, пријателство и љубов.
Платформата, имено воведува четбот наречен „асистент за запознавање“ (dating assistant), што „ќе ги поврзува луѓето врз основа на нивните интереси“, се наведува. Во блог-објавата за најавата на функциите, компанијата „Мета“ посочи и пример каде што четботот може „да дава идеи за познанства или да им помогне на корисниците да го подобрат својот профил“, на пр., според наводите. „Асистентот за запознавање“, за почеток, ќе биде достапен во САД и Канада.
Новитетите имаат за цел „борба против заморувачкото ‘лизгање’,“ (поточно избирање на опциите ‘да’ и ‘не’), па така, ако користите „Фејсбук дејтинг“ или „Фејсбук“, таквото „лизгање“ со прстите или глувчето по екранот, се вели, ќе се намали.
Натаму, друг ВИ-додаток е „Мит кјут“ (Meat Cute), којшто користи „персонализиран алгоритам за спојување“, што ќе понуди „случајни совпаѓања“ меѓу двајца кои можеби ќе си се допаднат. Блог-објавата не појаснува како алгоритмот на „Мета“ ќе ги оценува потенцијалните партнери. Овој додаток може да се исклучи во секое време.
Извор: kurir.mk
