Претседателот на Соединетите Американски Држави, Доналд Трамп, изјави дека се надева оти ќе се постигне дипломатско решение за конфликтот во Газа, предупредувајќи дека во енклавата владее хаос.
„Ја проучуваме Газа и се занимаваме со Газа многу интензивно. Таму е хаос“, рече Трамп, пренесе „Тајмс оф Израел“.
Во исто време, САД го сметаат признавањето на Палестина од страна на неколку нивни сојузници, како што се Велика Британија, Австралија и Канада, за „перформативно“.
„Нашиот фокус останува на сериозна дипломатија, а не на перформативни гестови. Нашите приоритети се јасни – ослободување на заложниците, безбедноста на Израел и мирот и просперитетот за целиот регион, што е можно само без Хамас“, изјави висок челник на американскиот Стејт департмент, пренесува „Тајмс оф Израел“
Извор: tv21
