Дечињата во дворот на градинката, со музика и забава ја подготвија пастрмајлијата, која ќе биде изложена на шеталишето „Ванчо Прќе“.
-Веќе неколку години по ред детската градинка „Вера Циривири Трена“ во знакот на зачувување на духот на Пастрмалијадата подготвуваат детски пастрмајлии. Дечињата од големите групи оваа година за првпат прават детска џиновска пастрмајлија. Се надевам дека проектот ќе биде успешен и дека ќе биде убава, вкусна, детска пастрмајлија која ќе ја пробаат сите, изјави Ивана Ангеличкова директор на градинката „Вера Циривири-Трена“-Штип.
Пастрмајлијата е направена со осум килограми месо, а истата треба да биде три метри долга. Дечињата од детската градинка „Вера Циривири Трена“ утре ќе настапат и на шеталиштето.
-Во неа е употребено осум килограми месо, шест килограми тесто, се очекува да биде со димензии од 80 сантиметри широка и околу три метри долга. Во знак на традицијата исто така нашиот музички педагог изготви песничка посветена на пастрмајлијата, рече Ангеличкова.
Секоја година во рамки на одбележување на оваа манифестација се прават разни настани. Годинава за првпат се изготви детската џиновска пастрмајлија.
Извор: vecer.mk
