Културниот информативен центар (КИЦ) Битола ја заокружува летната културна сезона со концертот „Песни од срцата“, кој ќе се одржи утре, среда, со почеток во 20.00 часот, на големото плато пред Офицерски дом.
На концертот ќе настапат врвните македонски оперски уметници Ана и Игор Дурловски, придружувани од Камерениот оркестар „АЈГА“ под диригентска палка на Иван Еминовиќ. Публиката ќе има можност да ги проследи традиционалните македонски песни како „Дејгиди, луди млади години“, „Разболела се Ленка Пингова“, „Што да правам, што да чинам“, „Си заљубив едно моме“, „Пајдушко“ и други.
Влезот за сите посетители е слободен.
