Институтот за политички истражувања Скопје, за потребите на МРТ подготви анкета за локалните избори за актуелните општествени случувања и за рејтингот на политичарите и партиите.
Од резултатите презентирани вечерва во емисијата „Објектив“, се забележува висок процент од над 30 отсто од граѓаните кои сметаат дека ВМРО-ДПМНЕ најдобро се справува со локалните проблеми во државата.
На прашањето, Која политичка опција сметате дека најдобро би се справила со локалните проблеми во Македонија, 30.4% од испитаниците одговориле дека опцијата која најдобро се справува со овие проблеми е ВМРО-ДПМНЕ.
Додека за СДСМ позитивно одговориле 10.1%, за Националната алијанса за интеграција 9.8, за коалицијата ВРЕДИ 8.7, за Левица 5.6, па следи ЗНАМ со 3.9, додека пак за Независните нема ниту еден процент доверба, односно само 0.9 отсто од испитаниците сметаат дека тие можат најдобро да се справат со локалните проблеми во Македонија.
Извор: kurir.mk
