После повеќе од 15 часа борба со огнената стихија во Трубарево, градоначалникот на Кисела Вода и претседател на ЗЕЛС, Орце Ѓорѓиевски, информира дека пожарот е целосно изгаснат, со исклучок на неколку ситни чадења.
„Околу 90% од зафатената површина е веќе под земја и пожарот е целосно изгаснат. Ситуацијата во Дрисла е исто така под целосна контрола“, изјави Ѓорѓиевски, кој денеска заедно со премиерот Христијан Мицкоски и колегите Бобан и Дејан беше на терен.
Тој нагласи дека пожарот е предизвикан од крајно несовесни лица и побара институциите итно да ги откријат и санкционираат виновниците.
Ѓорѓиевски упати благодарност до пожарникарите, полицијата и сите општествено одговорни компании кои учествуваа во гаснењето на пожарот и работеа без прекин повеќе од 24 часа.
„Овој ужасен настан не смее никогаш повеќе да се повтори,“ порача градоначалникот.
