Првите официјални наоди за страшната несреќа во Лисабон откриваат дека трагедијата на познатата жичница „Глорија“ се случила откако се скинал кабел што поврзувал две кабини, а во тој момент вработен се обидел да ги активира сопирачките, објави „Скај њуз“ .
Вкупно 16 лица загинаа во несреќата што се случи во среда. Повеќето од жртвите беа странски туристи.
Во извештајот се потврдува дека утрото пред несреќата е извршен редовен визуелен преглед, но се нагласува дека делот од конструкцијата каде што се скинал кабелот не можел да се забележи без расклопување.
Ова се првите официјални технички детали објавени од денот на трагедијата што ја шокираше Португалија и светот.
Извор: tv21
