Петар Јанков е кандидатот за градоначалник на Општина Струмица од ВМРО-ДПМНЕ.
Одлуката вечерва ја соопштија од партијата по седницата на Извршниот комитет.
-Голема благодарност до сите Вас за поддршката што ми ја давате во досегашниот период со надеж дека оваа поддршка и цврсто стегната рака на доверба ќе продолжи силно и убедливо. Струмица на претстојните избори донесува важна, храбра и историска одлука за промени. Струмица од нас очекува работа, многу работа, чесност и посветеност, објави Јанков на Фејсбук.
Јанков е роден е на 13 јануари 1976 година во Струмица. Основното образование го завршил во ООУ „Сандо Масев“, а средното во СОУ „Јане Сандански“ во родниот град. Своето високо образование го продолжил на Факултетот за туризам и угостителство во Охрид, на отсекот Царина и шпедиција, каде ги завршил додипломските студии и стекнал звање дипломиран менаџер по царина и шпедиција.
Во периодот од 2007 до 2018 година Јанков бил дел од Царинската управа на Република Македонија, каде работел како виш цариник. По напуштањето на јавната служба, од 2018 година својата кариера ја продолжува во приватниот сектор.
Петар Јанков е оженет и татко на две деца.
Извор: kurir.mk
