Рускиот претседател Владимир Путин изјави дека е отворен за средба со украинскиот претседател Володимир Зеленски, но изрази сомнежи за корисноста од таква средба, особено поради, како што тврди, сомнителната легитимност на Зеленски.
На прес-конференција во Пекинг, Путин изјави дека никогаш не ја исклучил можноста за средба со украинскиот лидер, но додаде:
„Никогаш не сум ја исклучил можноста за средба со него. Но, дали има смисла да се сретнам со него?“, рече Путин.
Рускиот претседател повторно ја доведе во прашање уставната основа на Зеленски за останување на власт, тврдејќи дека неговиот мандат истекол „без можност за продолжување“, објави „Гардијан“.
„Значи, дали има смисла да се сретнеме со сегашната администрација? Можеме да го направиме тоа, никогаш не сум го одбил доколку тоа би довело до некои позитивни резултати“, рече Путин.
Тој додаде дека поранешниот американски претседател Доналд Трамп го прашал дали има можност за средба, на што Путин наводно одговорил:
„Реков да, можно е, нека дојде во Москва“.
Извор: tv21
