Изет Меџити, прв-вицепремиер и министер за животна средина и просторно планирање, објави дека започнаа градежните работи во ОУ „Јашар-бег Скопски“ во населбата Дуќанџик, Чаир.
По неодамнешната посета на училиштето, Меџити идентификуваше проблеми кои го попречуваа нормалниот процес на настава и го загрозуваа безбедноста на учениците и персоналот. Тој го увери наставниот кадар дека веднаш ќе се интервенира за да се решат приоритетните потреби.
Денес започна работа на рушење на старата делница од училиштето, која претставуваше опасност за учениците и наставниците. На нејзино место ќе се изградат модерна спортска сала, детски агол и четири нови училници, со цел создавање безбедни и функционални услови за сите ученици и наставници.
Со овие инвестиции, училиштето ќе стане второ во општина Чаир кое ќе работи само во една смена, овозможувајќи повеќе време и простор за настава, активности и развој на учениците.
Меџити потенцира дека Владата продолжува да инвестира во иднината, градејќи безбедни и современи простори за граѓаните, со цел креирање стандарди за подобар живот.
