По него е издадена меѓународна потерница од страна на НЦБ Интерпол Подгорица врз основа на наредба од Основниот суд во Бар, со цел да отслужи двегодишна затворска казна, пренесе Телеграф.
„Тој е осуден со пресуда за кривично дело неовластено производство, поседување и дистрибуција на наркотични дроги“, соопшти полицијата.
Ајдарпашиќ беше уапсен во Уругвај на 23 март 2023 година, за време на големата полициска акција „Виртус“, кога локалната национална полиција заплени повеќе од 1.200 килограми кокаин. Во тоа време беа уапсени десет лица, меѓу кои и двајца црногорски државјани – А. А. и С. Д., објави CdM.
По отслужувањето на казната во Уругвај, Ардијан Ајдарпашиќ беше повторно уапсен по меѓународна потерница и синоќа беше екстрадиран во Црна Гора.
Екстрадицијата ја извршија службеници на НЦБ Интерпол Подгорица, со помош на Специјалната полициска единица.
Извор: vecer.mk
