Пратеникот на Покретот на слободни граѓани (ПСГ) Радивоје Јововиќ и активистката Исидора Челекетиќ, добија мерка притвор во траење од 48 часа.
Според информациите од ПСГ, на Јововиќ и Челекетиќ им се става на товар „попречување на службено лице“ како и „напад на службено лице“. Од движењето порачуваат дека не се плашат и најавуваат продолжување на својата борба за слобода.
Утрово, нешто пред девет часот, полицијата го приведе Јововиќ пред зградата на судот, додека се обидувал да влезе на четвртиот влез. Во градот во тоа време траеше блокада на судот, на повик на студентите кои ги држат во блокада факултетите на Универзитетот во Нови Сад.
Студентите бараат итно ослободување на сите лица кои беа приведени без докази по последните протести, а против кои се поднесени тешки кривични и прекршочни пријави.
Јововиќ, непосредно пред да биде одведен со полициско возило, изјави дека одбива да слуша „наредби од ваква полиција“.
Сведоци на приведувањето раскажаа дека еден од полицајците му пријде на Јововиќ во споредна улица, се однесуваше грубо, по што пристигнала и интервентната единица и го одведе во станицата на Булеварот на кралот Петар Први.
Извор: 021.rs
Извор: vecer.mk
