Францускиот претседател Емануел Макрон во понеделник изрази претпазливост во врска со средбата меѓу рускиот претседател Владимир Путин и украинскиот претседател Володимир Зеленски, која ја организира американскиот претседател Доналд Трамп.
Средбата меѓу Зеленски и Путин би била чекор напред, рече францускиот претседател по самитот меѓу Трамп, Зеленски и европските лидери во Белата куќа.
„Дали мислам дека би можело да биде конечно? Останувам многу претпазлив“, рече Макрон, нагласувајќи дека работата не е ни блиску до завршување.
„Имаме американски претседател и претседател Украина кои сакаат мир… За Путин не сум убеден“, рече тој.
„Имам најголеми сомнежи во желбата на рускиот претседател за мир. Неговата крајна цел е да заземе што е можно повеќе територија, да ја ослабне Украина и да има земја која не е одржлива сама по себе или во рамките на руската сфера на влијание. Тоа е прилично очигледно“, рече Макрон.
Извор: tv21
