2
ДУИ, некогаш најсилниот политички фактор меѓу Албанците во Македонија, се соочува со длабока политичка криза и драматичен пад на поддршката. Од избори на избори, оваа партија бележи континуиран пад во бројот на пратеници и градоначалници, а разочарувањето кај сопственото гласачко тело е сè поголемо.
Повлекување од клучни општини
На претстојните локални избори, ДУИ речиси и да нема свои кандидати во општините каде што Албанците се во убедливо мнозинство – меѓу нив Гостивар, Струга, Сарај, Дебар и Врапчиште. Според политички аналитичари, ова претставува најјасен доказ за сериозната криза во која западна партијата. Дури и таму каде што се кандидирани носители, внатре во самата партија владее уверување дека поразот е неминовен.
Напуштени од коалиционите партнери
ДУИ, која некогаш важеше за обединувачки фактор, денес е напуштена од најголем дел од своите коалициони партнери. Повеќе партии и поединци се повлекуваат од соработката, обвинувајќи го раководството на Али Ахмети за корупција и погрешни политики. Со партијата останаа само Данела Арсовска, партијата Левица и неколку албански политичари за кои јавноста шпекулира дека се купени со пари.
Од партија до приватен бизнис
Критичарите предупредуваат дека ДУИ одамна не функционира како политичка организација, туку како приватен бизнис на тесен круг луѓе од врвот. Врвното раководство наводно изградило империи во енергетиката, трговијата, нафтата, градежништвото и недвижностите, додека граѓаните останале без решенија за своите секојдневни проблеми.
Граѓаните ја испраќаат пораката
Според изборните резултати, казната на гласачите е јасна и постојана. Аналитичарите предвидуваат дека ДУИ на следните локални избори нема да освои ниту една значајна општина. Политичкиот пад на оваа партија трае со години, а трендот, според сите показатели, е неповратен.„
Граѓаните, особено Албанците, ја сфатија вистината – ДУИ не е инструмент за развој и еднаквост, туку пречка и товар за нивниот напредок“, оценуваат политички аналитичари.
Извор: zurnal.mk
