13
Настанот го предводеше првиот вицепремиер и министер за животна средина, Изет Меџити, кој упати силна порака дека „времето за вистинска промена во Кичево конечно дојде“. Пред голем број симпатизери и поддржувачи, Меџити нагласи дека ВЛЕН настапува со јасна програма и решителност да ја врати довербата на граѓаните во локалната власт. Тој истакна дека Лимани е човек со интегритет и визија, кој има капацитет да ја предводи општината кон развој и современо управување.
Кичево денес беше центар на политичките случувања, откако коалицијата ВЛЕН официјално го отвори својот изборен штаб и ја претстави кандидатурата на Фатмир Лимани за градоначалник.
„Граѓаните на Кичево ја заслужуваат промената што долго ја очекуваат. ВЛЕН ќе донесе отчетност, професионализам и конкретни резултати. Ова не е празна реторика, ова е план кој ќе се реализира“, порача Меџити, уверувајќи дека Лимани ќе биде градоначалник кој ќе работи во интерес на секој жител.
Со отворањето на штабот, коалицијата најави почеток на активна изборна кампања, која ќе се базира на директна комуникација со граѓаните, презентација на проекти и транспарентно претставување на програмата.
Извор: zurnal.mk
