Министерството за финансии од денеска започнува со транспарентно објавување на сите буџетски исплати во текот на изборниот период, согласно одредбите од Изборниот законик.
Како што информира министерката за финансии, Гордана Димитриеска Кочоска, податоците ќе бидат достапни преку посебна база на веб-страницата на Министерството за финансии и ќе се објавуваат од денот на распишување на изборите до нивното завршување. Исклучок ќе бидат редовните исплати на плати, пензии и комунални трошоци.
Дополнително, ќе биде изготвен предизборен финансиски извештај со целосен преглед на сите планирани и реализирани приходи и расходи од Буџетот.
Базата е достапна на следниот линк: finance.gov.mk.
