Директорот на болницата Ал Шифа: Израел уби новинари за да изврши „голем масакр без звук и слика“ во Газа

ИСТАНБУЛ (АА) – Израел уби новинари на Ал Џезира за да спречи известување за големиот масакр што има намера да го изврши, изјави денес директорот на болницата „Ал-Шифа“, јавува Анадолу.

„(Израелската) окупација се подготвува за голем масакр во Газа, но овој пат без звук или слика“, изјави д-р Мухамед Ебу Салмија за Анадолу.

„Сака да убие и расели најголем број Палестинци во градот Газа, но овој пат во отсуство на гласот на Анас, Мухамед, Ал Џезира и сите сателитски канали“, рече тој.

Израелската Армија доцна синоќа изврши напад на новинарски шатор во близина на болницата „Ал-Шифа“ во градот Газа, во којшто убиени се пет новинари, вклучувајќи ги и дописниците на Ал Џезира, Анас ал-Шариф и Мухамед Краикеа, според Канцеларијата за медиуми.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.