Првиот вицепремиер и министер за животна средина и просторно планирање, Изет Меџити, заедно со своите соработници, го претстави еден од најголемите и најзначајните проекти за иднината на Чаир – изградбата на нов модерен, еколошки и функционален парк.
Проектот, избран по завршувањето на јавниот повик, ќе се реализира веднаш штом новото раководство на Град Скопје ја преземе функцијата, бидејќи паркот е во негови надлежности.
„Со овој проект, кој е многу повеќе од обичен парк, продолжуваме со модернизацијата на Чаир, правејќи го позелен, поздрав и поубав за нашите семејства, за нашите деца и за идните генерации“, истакна Меџити.
Паркот ќе вклучува современи зелени површини, зони за деца и возрасни, патеки за прошетка и возење, културни и рекреативни простори, како и осветлување, чешми, јавни тоалети, безбедносни мерки и одржување по највисоки стандарди.
„Со срце за нашиот Чаир“, порача Меџити, додавајќи дека овој проект ќе му донесе нов живот не само на Чаир, туку и на целиот Скопје.
